پشاور (مانند میڈیا) تحریک انصاف نے 27 ستمبر کو اسلام آباد مارچ کے سلسلے میں پشاور میں موٹر سائیکل ریلی نکالی جس میں پارٹی کارکنوں اور رہنماؤں کی بڑی تعداد نے شرکت کی ۔ریلی پیرز کوڑی پل جی ٹی روڈ سے شروع ہو کر اسمبلی چوک تک پہنچی۔ ریلی میں صوبائی وزیر بلدیات مینا خان آفریدی، ارکان قومی اسمبلی شیر علی ارباب اور شاہد خٹک، ضلعی صدر عرفان سلیم سمیت دیگر پارٹی رہنماوں اور کارکنوں نے شرکت کی۔ ریلی کے شرکا نے ہاتھوں میں تحریک انصاف کے پرچم اٹھا رکھے تھے اور 27 ستمبر کے اسلام آباد مارچ کے حوالے سے نعرے بازی کی۔ ریلی کے شرکا سے خطاب کرتے ہوئے پی ٹی آئی رہنماوں نے کہا کہ 27 ستمبر کو اسلام آباد کی طرف مارچ اٹل ہے اور ہر قسم کی رکاوٹوں کے باوجود کارکن اسلام آباد پہنچیں گے