کوہاٹ (مانند نیوز)کوہاٹ وائلڈ لائف سٹاف کی ہائی وے چیک پوسٹ پر ایک ا ور کامیاب کارروائی میں مسافر ہائی ایس سے پکڑے جانے والے دو نایاب نسل کے فالکنز (شاہین) کو ضروری کارروائی کے بعد کمشنر کوہاٹ ڈویژن محمود اسلم وزیر نے ایس ڈی ایف او محکمہ جنگلی حیات محمد سجاد، شبیر احمد اور عبد الوہاب کے ہمراہ ہوا میں چھوڑ کر آزاد کر دیا۔محکمہ وائلڈ لائف کے افسران نے بتایا کہ یہ نایاب نسل کے فالکنز ہیں۔ان کو اسمگلرز مختلف طریقوں سے پکڑ کر اسمگل کرتے ہیں۔کمشنر کوہاٹ نے محکمہ وائلڈ لائف کی کاروائی کو سراہا اور مکمل تعاون کا یقین دلایا۔