وانا (مانند نیوز) گزشتہ شب بارہ بجے کے قریب شرپسندوں کی جانب سے لوئر وزیرستان سٹی تھانہ وانا پر حملہ کیا گیا، جسمیں میں ایک پولیس اہلکار زخمی ہوئے۔ ذرائع کے مطابق مسلحہ شرپسندوں کی تعداد 50 سے زائد بتائی جارہی ہے، ذرائع کا کہنا ہے کہ پہلے شرپسندوں نے راکٹ لانچر سے گیٹ پر حملہ کیا گیا جس کے بعد شرپسند گیٹ سے داخل ہوئے نفری سمیت ایس ایچ او اور انچارج سب شرپسندوں کے سامنے سرنڈر ہوئے، شرپسندوں نے سٹی تھانہ وانا سے اسلحہ اور پولیس کے موبائل ساتھ لے گئے، اسی دوران پولیس کانسٹیبل الیاس زخمی ہوئے تھے۔ سٹی تھانہ وانا کو بعد میں ایف سی اھلکاروں نے اپنے گرفت میں لیا ہے۔ جبکہ دوسری جانب ذرائع کا کہنا ہے کہ رات ایف سی کے اہلکاروں نے ہر طرف شرپسندوں پر فائرنگ کی ہے جس کے نتیجے میں باغیچہ چیک پوسٹ کے ایریا میں ایک شرپسند کی ڈیڈ باڈی ملی ہے جس کے پاس اسلحہ بھی موجود بتایا جاتا ہے دریں اثناء عوام میں خوف و اضطراب پایا جاتا ہے اور پولیس کی ناقص کارکردگی اور شرپسندوں کے سامنے ہتھیار ڈالنے پر مایوسی چھاگئی ہے اور حالات آہستہ آہستہ دھشت ذدہ نوعیت کے بنتے جارہے ہیں۔