پشاور ( مانند نیوز) غیر سرکاری تنظیم ساتھ سب کا ڈویلپمنٹ آرگنائزیشن مردان کے تحت سینکڑوں نادار اور مستحق خاندانوں میں رمضان فوڈ پیکجز تقسیم کئے گئے،اس حوالے سے ساتھ سب کا ڈویلپمنٹ آرگنائزیشن مردان کے بانی ڈاکٹر ایمل مہمند اورچئیر مین تیمور خان نے سفید پوش خاندانوں میں آٹا، چاول،گھی،دالوں اوردیگر اشیاء پر مشتمل فوڈ پیکجز تقسیم کئے، ڈاکٹر ایمل مہمند کا کہنا تھا کہ رمضان المبارک معاشرے کے مستحق افراد کا دکھ درد بانٹنے اورانھیں خوشیوں میں شامل کرنے کا درس دیتا ہے۔ساتھ سب کا ڈویلپمنٹ آرگنائزیشن کے تحت ہرسال رمضان کے مبارک مہینے میں ملک بھر کے غریب اور مستحق خاندانوں میں فوڈ پیکجز تقسیم کرنے کا اہتمام کیا جاتا ہے تاکہ معاشرے کے اس محروم اور نادار طبقے کو بھی رمضان کی خوشیوں میں شریک کیا جاسکے۔انہوں نے کہا کہ مشکل کی اس گھڑی میں متاثرہ خاندانوں کیساتھ کھڑے ہیں۔