چترال (مانند نیوز)لیویز ہیڈ کوارٹرز لوئر چترال میں ترقی پانے والے جوانوں کے اعزاز میں پر وقار تقریب کا انعقاد کیا گیا۔تقریب میں کمانڈنٹ چترال لیویز /ڈپٹی کمشنر لوئر چترال محمد علی خان,ڈی پی او اکرام اللہ,ڈپٹی کمانڈنٹ لیویز /اسسٹنٹ کمشنر ہیڈ کوارٹرز محمد عاطف جالب, ایڈیشنل اسسٹنٹ کمشنر محمد علی,ایڈیشنل اسسٹنٹ کمشنر شہروز مفتی اور ڈائریکٹر اسامہ اکیڈمی فدا شریک تھے۔تقریب میں ڈی سی نے چترال لیویز کے ترقی پانے والے 57 جوانوں کو پرموشن بیجز لگائے۔ جوانوں کو مبارک باد دی۔تقریب سے خطاب کرتے ہوے ڈپٹی کمشنر اور ڈی پی او نے جوانوں کے لیے نیک خواہشات کا اظہار کیا۔ اور کہا کہ بھرتی ہونے کے بعد جوانوں کی سب سے بڑی خواہش محکمانہ ترقی ہوتا ہے۔ترقی لیویز جوانوں کی محنت اور بہترین کارکردگی کا شمرہے۔ انہوں نے کہا کہ ترقی کے بعد آپ کی ذمہ داریوں میں کافی حد تک اضافہ ہوگیا ہے۔ ہم امید کرتے ہیں اپ آئندہ بھی, محنت اور لگن کو اپناشعار بنا کر ایمانداری کے ساتھ اپنے فرائض سرانجام دینگے۔ اور اپنی کارکردگی کو بہترین بنا کر عوام کی خدمت کرینگے۔