کاٹلنگ(مانند نیوز)کاٹلنگ کا ایک اور سپوت وطن عزیز پر قربان ہوگیا ایف سی اہلکار نائیک مقرب خان 2 دن پہلےضلع خیبر تحصیل باڑہ میں سیکورٹی فورسز پر دھماکے میں زخمی ہوگئے تھے ہسپتال میں زیر علاج رہنے کے بعد آج خالق حقیقی سے جاملے، شہید مقرب خان کو اپنے آبائی گاؤں کاٹلنگ میں سپرد خاک کردیا گیا۔ایف سی کے چاق و چوبند دستے نے سلامی دی اور سرکاری اعزاز کے ساتھ سپرد خاک کردیا گیا،نماز جنازہ میں علاقہ کے مشران، سیاسی و سماجی کارکنان اور عوام نے کثیر تعداد میں شرکت کی۔ افسوسناک واقعہ پر علاقے کی فضا سوگوار رہی اور مقامی لوگوں نے واقعے پر شدید افسوس کا اظہار کیا۔شہید بیوہ اور 5 بچے سوگوار چھوڑ گئے۔