بٹ خیلہ (مانند نیوز )پاکستان پیپلز پارٹی کے مرکزی رہنما سابق وفاقی وزیر لعل محمد خان نے کہا ہے کہ حالات کا تقاضا ہے کہ سیاسی قیادت مل بیٹھ کر مذاکرات کے ذریعے بحران کا حل نکالے ایک ہی دن عام انتخابات کا انعقاد ملک وقوم کے مفاد میں ہے اس سلسلے میں سراج الحق کی کوششیں قابل ستا ئش ہیں اور اس کی مکمل حمایت کرتے ہیں اپنی رہائش گاہ لعل قلعہ تھا نہ ملاکنڈ میں میڈیا کے نمائندوں سے بات چیت کرتے ہو ئے انھوں نے کہا کہ جوپارٹی اور سیاسی رہنما اس وقت غیر مشروط مذاکرات کیلئے تیار نہیں دراصل اسے ملک اور عوام کے مفادات میں کوئی دلچسپی نہیں اور یہی پارٹی اور رہنمابحران کے خاتمے میں اصل رکاوٹ ہے انھوں نے کہا کہ نوے دن میں الیکشن کی رٹ لگانے والوں کو آنکھیں کھول کر جائزہ لینا چا ہئے کہ چودہ مئی تک اخراجات کیلئے اربوں روپے کا بندوبست بیلٹ پیپرز کی چھپائی عملے کی ٹریننگ و تعینات وغیرہ ممکن ہے یا نوے دن میں الیکشن صرف پنجاب میں ہی ضروری یا خیبر پختونخواکے بارے میں کیوں خاموشی ہے انھوں نے کہا کہ ملک کے سب سے بڑے صوبے میں پہلے الیکشن کروانے سے بحران مذید سنگین صورت حال اختیار کرے گا اسلئے اتفاق رائے سے ایک ہی دن ستمبر اکتوبر میں انتخابات کا انعقاد ممکن بنایاجا سکتا ہے۔