پاراچنار (مانند نیوز)پاراچنار 4 مئی تری منگل سکول کے شہداء میں حکومت کی جانب سے شہداء پیکیج تقسیم کیا گیا ۔اس موقع پر وفاقی وزیر ساجد طوری نے کہا کہ حکومتی اداروں کی جانب سے زمہ داران کے خلاف بھرپور کاروائیاں جاری ہیں ۔اس سلسلئے میں گرفتاریاں بھی عمل میں لائی جاچکی ہے ۔پاراچنار پاک آفغان سرحد کے قریب گورنمنٹ ہائی سکول تری منگل میں 4 مئی کو مسلح شرپسندوں کے ہاتھوں شہید کئے گئے تھے۔اساتذہ سمیت سات شہداء کے لواحقین میں حکومت کی جانب سے امدادی رقوم کے چیک تقسیم کئے گئے ۔ اس موقع پر شہداء کے لواحقین ، وفاقی وزیر ساجد طوری ، ضلعی انتظامیہ آفسران قبائلی عمائیدین و اساتذہ تنظیموں کے رہنما بھی موجود تھے ۔ ڈپٹی کمشنر کرم سید سیف الاسلام نے شہداء کی ایصال ثواب کیلئے اجتماعی دعا کرائی۔ وفاقی وزیر اورسیز پاکستانی ساجد حسین طوری نے کہا کہ اساتذہ کا کسی سے کوئی اراضی تنازعہ نہیں تھا۔ ان کے قاتلوں کے خلاف بھرپور قانونی کاروائی کی جارہی یے تاہم کسی بے گناہ کو کوئی تکلیف نہ دی جائے۔ اور امن و آمان کی قیام کیلئے کوششیں جاری رکھی جائے ۔