ملاکنڈ(مانند نیوز) ڈپٹی کمشنر باجوڑ محمد انور الحق کے ہدایات کی روشنی اور پبلک کی طرف سے موصول ہونے والے شکایات پر اسسٹنٹ کمشنر خار محب اللہ خان یوسفزئی نے خار سب ڈویژن میں متعدد پٹرول پمپس کا معائینہ کیا۔ چیکنگ کے دوران اے سی خار نے تمام پٹرول پمپس کے گیجز، اوگرا کی طرف سے اپڈیٹڈ نوٹیفائیڈ ریٹس فی لیٹر قیمت، کوالٹی وغیرہ کا ازخود مشاہدہ کیا۔ پٹرول پمپس مالکان پر واضح کیا کہ پٹرول اور ڈیزل کے نرخوں میں خود ساختہ اضافہ کرنا، پٹرولیم مصنوعات کا مصنوعی بحران پیدا کرنا، پٹرولیم مصنوعات کے معیار میں ملاوٹ کرنا اورانکے میں مقدار کمی لانا قانوناً جرم ہے۔ ضلعی انتظامیہ باجوڑ کی جانب سے کسی بھی قسم کی کوتاہی کرنے کی صورت میں ملوث پٹرول پمپس مالکان کے خلاف قانونی کارروائی کی جائیگی۔