لاہور(مانند نیوز ڈیسک)جہانگیر ترین کی نئی پارٹی استحکام پاکستان کے جھنڈے کا ڈیزائن فائنل کر لیا گیا۔ نجی ٹی وی کے مطابق استحکام پاکستان پارٹی کا جھنڈا سبز، سفید اور سرخ رنگ پر مشتمل ہے۔استحکام پاکستان پارٹی کے جھنڈے میں چاند ستارہ بھی واضح ہے۔ استحکام پاکستان پارٹی کا منشور آئندہ چند روز میں مکمل کر لیا جائے گا، منشور پر اسحاق خاکوانی، عون چوہدری، علیم خان اور دیگر پر مشتمل ورکنگ گروپ کام کر رہا ہے۔