تیمرگرہ (مانند نیوز ڈیسک) سابق وزیر مال شکیل خان کرپشن کیس میں تیمرگرہ سے گرفتار کرلیے گئے۔ چکدرہ چھاونی اور موٹروے ٹول پلازہ کے توڑپھوڑ کے الزام میں تیمرگرہ جیل سے ضمانت پر رہائی کے وقت تحریک انصاف کے سابق صوبائی وزیر شکیل خان کرپشن کے کیس میں گرفتار۔مالاکنڈ لیویز اور پولیس کی بھاری نفری موجود۔شکیل خان کو انٹی کرپشن اہلکار اپنے ساتھ لے گئے۔
یاد رہے شکیل خان پر سابق دس سالوں میں ٹرانسفر، پوسٹنگ، جعلی بھرتیوں اور رشوت سفارش پر ٹھیکہ جات دینے کے الزامات سامنے آتے رہے۔ تاہم صوبہ اور مرکز میں پی ٹی آئی کی حکومت ہونے کی وجہ سے کسی انسداد کرپشن ادارہ نے ان پر ہاتھ نہیں ڈالا۔ تاہم شکیل خان اور ان کے پارٹی کے سپورٹر ان الزمات کی تردید کرتے رہے ہیں۔
