ریاض(مانند نیوز ڈیسک)سعودی عرب کی وزارتِ صحت نے کورونا وائرس سے متعلق حفاظتی تدابیر کے لیے نئی آگاہی مہم کا آغاز کردیا۔ سعودی وزارتِ صحت نے سفری احتیاطی تدابیر کی پابندی ختم کر کے تمام افراد کو صفائی کی پابندی کا خیال رکھنے کا کہا ہے۔ سعودی وزارتِ صحت کا کہنا ہے کہ وائرس والی بیماریوں میں حفاظتی تدابیر اپنائی جائیں اور ہاتھ دھونے کا عمل جاری رکھا جائے، وبا ختم ہونے کا مطلب یہ نہیں کہ کورونا صحت کے لیے خطرہ نہیں رہا۔ سعودی وزارتِ صحت کا کہنا ہے کہ معمر افراد اور لاعلاج بیماری کے مریض حفاظتی اقدامات کی پابندی جاری رکھیں۔