اللہ تعالی کا شکر ہے کہ انجینئر امیر مقام حملے میں محفوظ رہے۔وزیراعظم شہباز شریف

اسلام آباد(مانند نیوز ڈیسک)وزیراعظم شہباز شریف کا اپنے مشیر اور پاکستان مسلم لیگ ن خیبرپختونخوا انجینئر امیر مقام پر شانگلہ کے علاقے مارتونگ میں دہشت گردوں کے قاتلانہ حملے کی شدید مذمت کی ہے۔ انہوںنے کہا کہ اللہ تعالی کا شکر ہے کہ انجینئر امیر مقام حملے میں محفوظ رہے، وزیراعظم نے امیر مقام سے رابطہ کیا اور امیر مقام کی خیریت دریافت کی اور یک جہتی کا اظہار کیا۔ وزیراعظم نے کوئی جانی نقصان نہ ہونے پر بھی اظہار تشکر کیا وزیراعظم نے انجینئر امیر مقام کے جذبے، بہادری اور ثابت قدمی کو خراج تحسین پیش کیا ان سے گفتگو میں وزیر اعظم نے کہا کہ آپ نوازشریف کے شیر ہیں، آپ کی عوامی، قومی اور پارٹی کے لئے خدمات کو سراہتے ہیں، وزیراعظم کی امیر مقام سے گفتگو 2014 میں بھی اسی مقام پر امیر مقام پر خود کش حملہ ہوا تھا