ہزارہ (مانند نیوز)کمشنر ہزارہ ڈویژن عامر سلطان ترین نے ضلع بٹگرام کا دورہ کیا۔ ڈپٹی کمشنر بٹگرام، ایڈیشنل ڈپٹی کمشنر بٹگرام اور دیگر انتظامی آفیسران اس موقع پر موجود تھے۔ کمشنر ہزارہ ڈویژن نے ڈپٹی کمشنر آفس میں جنرل ریکارڈ روم کا افتتاح کیا۔اس کے علاوہ ڈی سی کمپلیکس میں دیودار کا پودا لگا کر مون سون شجر کاری مہم کا افتتاح کیا۔ اس کے بعد کمشنر ہزارہ ڈویژن نے وادی چوڑ کے حوالے سے آلائی کے عمائدین کے ایک وفد سے ملاقات کی اور ان کے مسائل سنے اور حل کیلئے سنجیدہ اقدامات اٹھانے کی ہدایت کی۔