دیر لوئر (مانند نیوز)ڈپٹی کمشنر دیر لوئر افتخار احمد کی ہدایت پر ایڈیشنل اسسٹنٹ کمشنر حضرت بلال نے خفیہ اطلاع پر رباط ایریا میں لوکل/ جعلی ڈش واش، سوڈا، سرف، غیر رجسٹرڈ اور غیر معیاری فیکٹری پر اچانک چھاپہ مار فیکٹری سیل کرکے ملزم کی خلاف قانونی کارروائی شروع کی ہے۔ اس کے علاوہ ایڈیشنل اسسٹنٹ کمشنر نے تیمرگرہ میاں بانڈہ میں نمکو گودام کو بھی بغیر اجازت نامہ پر سیل کیا۔ مالک دوکان کو ہدایت کی کہ وہ کل تک تمام ضروری کاغذات دفتر ھذامیں جمع کرے اور اگر ضروری کاغذات نہ ہونے کی صورت میں ان کی خلاف قانونی کاروائی عمل میں لائے جائیں گی۔ صوبائی حکومت کی احکامات کی روشنی میں ایڈیشنل اسسٹنٹ کمشنر تیمرگرہ نے سب ڈویژن تیمرگرہ کی مختلف بازاروں میں غلہ گوداموں کا بھی دورہ کیا جو کہ تسلی بخش پایا گیا۔