ملاکنڈ (مانند نیوز)کمشنر ملاکنڈ ڈویژن اور ڈپٹی کمشنر / کمانڈنٹ ملاکنڈ لیویز شہاب محمد خان کی خصوصی ہدایت پر اسسٹنٹ کمشنر بٹ خیلہ شکیل احمد خان نے مختلف مقامات پر ناکہ بندیاں کی،ناکہ بندویوں کے دوران انہوں نے بھاری مقدار میں منشیات اور دیگر جرائم پیشہ افراد کو قبضے میں لیکر مزید قانونی کاروائی کی جارہی ہیں۔اسسٹنٹ کمشنر نے مختلف لیویز تھانوں کامعائنہ کیا اور متعلقہ تھانوں کے پوسٹ کمانڈروں کو سختی سے ہدایت کی کہ وہ اپنے اپنے علاقوں کے جرائم پیشہ افراد پر کڑی نظر رکھیں اور امن وامان کی صورتحال کو مزید بہتر بنانے کے لیے رات کے وقت گشت بڑھائیں۔اس موقع پر میڈیا کے نمائندہ سے باتیں کرتے ہوئے کہا کہ ضلعی انتظامیہ نے ضلع ملاکنڈ کو ہر قسم کی ڈرگز کے ناسور سے پاک صاف کرنے کے ساتھ ساتھ امن وامان کے لحاظ سے ایک مثالی ضلع بنانے کے لیے تمام صلاحیتوں کو بروئے کار لائینگے۔