ڈیرہ اسماعیل خان (مانند نیوز ڈیسک)قیوم نگر فیڈر پر واپڈا کی بار بار کی ظالمانہ ٹرپنگ اور لوڈشیڈنگ سے ستائی عوام سڑکوں پر نکل آئی،درابن چونگی پر ٹائر جلا کر روڈ کو بلاک کردیا، پیسکو کے خلاف نعرہ بازی، پولیس کی یقین دہانی پر مظاہرین نے احتجاج ختم کردیا۔تفصیلات کے مطابق درابن چونگی کے علاقہ میں بجلی کی بار بار کی ٹرپنگ اور لوڈشیڈنگ نے خلاف علاقہ کی عوام سڑکوں پر نکلی آئے اور انہوں نے درابن چونگی پر ٹائروں کو آگ لگاکر روڈ کو ہر قسم کی ٹریفک کیلئے بند کردیا، احتجاج کی اطلاع ملتے ہی پولیس موقع پر پہنچ گئی اور مظاہرین سے مذاکرات کے ذریعے مسئلہ کے حل کی یقین دہانی پر احتجاج ختم کرواتے ہوئے روڈ کو ٹریفک کیلئے کھلوا دیا۔