اسلام آباد(مانند نیوز ڈیسک) چیئر مین پی ٹی آئی کے گارڈز نے سوال پوچھنے پر صحافی پر حملہ کردیا۔ اسلام آباد میں عدالتی پیشی کے بعد واپس جاتے ہوئے نجی ٹی وی سے وابستہ صحافی حیدر شیرازی نے ان سے سوال پوچھا تو عمران خان کے سکیورٹی گارڈز نے ان پر حملہ کردیا۔حیدر شیرازی نے سوال کیا تھا کہ ایک سابق وزیراعظم کو قتل کے مقدمے میں پھانسی دی گئی تھی کیا آپ کو ریلیف ملے گا؟۔سوال ختم ہی ہوا تھا کہ گارڈز نے حیدر شیرازی کو دھکے دیتے ہوئے پیچھے ہٹا دیا۔حیدر شیرازی نے احتجاج کیا تو عمران خان بنا کوئی جواب دیے انہیں نظر انداز کرتے ہوئے وہاں سے چلے گئے۔یہ پہلا موقع نہیں کہ حیدر شیرازی اور عمران خان کے درمیان کہا سنی ہوئی ہو، اس سے قبل بھی کئی مواقع پر حیدر شیرازی کے سوالات پر عمران خان غصے کا اظہار کرچکے ہیں۔