پشاور(مانند نیوز) خیبر پختونخواہ ایم ٹی آئی پالیسی بورڈ کے چیئرمین ڈاکٹر ضیاء الاسلام اور چیئرمین بورڈ آف گورنرز کے ٹی ایچ ل، کے ایم سی، کے سی ڈی، پروفیسر ڈاکٹر ندیم خاور نے 10 اکتوبر 2023 کو خیبر کالج آف ڈینٹسٹری میں نئے تعمیر شدہ عمارت کا افتتاح کیا۔تقریب میں ڈین کے ایم سی پروفیسر ڈاکٹر محمود اورنگزیب، ڈین کے سی ڈی پروفیسر ڈاکٹر سید ناصر شاہ، ہسپتال کے ڈائریکٹر، ڈاکٹر محمد ظفر آفریدی، میڈیکل ڈائریکٹر پروفیسر ڈاکٹر محمد ایاز خان اور دندان سازی کے شعبوں کے تمام سربراہان سمیت اہم شخصیات نے شرکت کی۔ ڈین خیبر کالج آف ڈینٹیسٹری پروفیسر ڈاکٹر سید ناصر شاہ نے ایک جامع بریفنگ دی اور کہا کہ یہ نئی عمارت مریضوں کی خدمات کی گنجائش کو دوگنا کر دے گی۔ اس عمارت میں ایک تہہ خانے سمیت 7 منزلیں ہیں۔ تہہ خانے میں ایک ڈے کیئر سینٹر، آئی ٹی، لائبریری، مسجد، کالج اسٹور، دو لیکچر تھیٹر، دفاتر اور لیبارٹری شامل ہیں۔ گراؤنڈ فلور پر پراستھوڈانٹک کا شعبہ ہے۔ 90 ڈینٹل کرسیاں کے ساتھ پہلی اور دوسری منزل پر تین کلینیکل ڈیپارٹمنٹس واقع ہیں۔ بنیادی سائنس بلاک تیسری، چوتھی اور پانچویں منزل پر ہے اور اس میں چار شعبے ہیں۔ سب سے اوپر، ایک کثیر مقصدی ہال ہے جس میں لیب، عملی امتحان کے لیے ایک مرکز، اور ایک الگ امتحان اور کانفرنس ہال ہے۔پروفیسر ڈاکٹر ضیائالاسلام نے تبصرہ کیا کہ میں 1962 میں خیبر میڈیکل کالج کے ایک سابق طالب علم کے طور پر تھا اس وقت 14 طلباء کے ساتھ صرف 2 ڈینٹل رومز قائم کیے گئے تھے اور کے سی ڈی کو 1992 میں کالج کا درجہ ملا تھا تب سے مزید ترقی کی طرف گامزن ہیں۔. انہوں نے مزید کہا کہ منہ کی صحت ہمارے پورے جسم پر اثرانداز ہوتی ہے اور انہوں نے ایک حالیہ ایک آرٹیکل سے ایم بی بی ایس کے مقابلے بی ڈی ایس کے بارے میں کچھ دلچسپ حقائق بیان کیے جس سے یہ نتیجہ اخذ کیا گیا کہ بی ڈی ایس کی ڈگری کا دورانیہ اور فیسیں کم ہیں، ملازمت کے زیادہ مواقع کے ساتھ آسان داخلہ پالیسی اور ڈینسٹ کی زندگی زیادہ آرام دہ ہوتی ہے ایم بی بی ایس ڈاکٹر کی زندگی سے۔ چیئرمین پالیسی بورڈ نے مزیدکہا کہ ہسپتالوں کے ڈھانچے میں مسلسل بہتری آرہی ہے اور ہم اپنے بورڈ ممبر کی تکمیل کے لیے حکومت کے ساتھ بات چیت کے مرحلے میں ہیں۔ ہم مزید بھی صوبے کے ہسپتالوں کو مریضوں کے لیے بہتر سے بہتر بنائینگے۔ پروفیسر ڈاکٹر ندیم خاور نے خیبر کالج آف ڈینٹیسٹری کے انتظامیہ کو سراہا اور پیڈز ڈینٹسٹری کو ایک علیحدہ شعبہ کے طور پر قائم کرنے پر خوشی محسوس کی۔ مزید برآں، انہوں نے مزید کہا کہ ہم لوگوں کی صحت کے بارے میں باشعور ہیں اس مقصد کے لیے ہم اس کی کمیونٹی کی بہتری کے لیے مسلسل سرمایہ کاری کر رہے ہیں اور اب یہ صحت کی معیاری خدمات کی جانب ایک اور مثبت قدم ہے۔ بریفنگ اور تقاریر کے بعد ربن کاٹنے کی تقریب ہوئی جس کے بعد منزل وار دورہ کیا گیا۔