ملاکنڈ (مانند نیوز)درگئی میں واقع پاک پریمیئر سٹیل مل کے خلاف ایک کمپلینٹ موصول ہوئی تھی جس میں مذکورہ سٹیل مل میں قانونی تقاضے پورا نہ ہونے کے بارے میں ذکر کیا گیا تھا۔جس پر ڈپٹی کمشنر / کمانڈنٹ ملاکنڈ لیویز شاہد خان مہمندنے ایکشن لیتے ہوئے اسسٹنٹ کمشنر درگئی محمد علی کو ہدایت کی کہ سٹیل مل کا دورہ کرکے قانونی تقاضے پورا نہ ہونے پر سیل کیا جائے اور مالک کوہدایات جاری کی کہ قانونی تقاضے پوری کرنے تک سٹیل مل بند رہے گی ورنہ خلاف ورزی کرنے کی صورت میں اس کے خلاف سخت قانونی کاروائی عمل میں لائی جائے گی۔ اس کے علاوہ انہوں نے درگئی بازار میں غیر قانونی تجاوزات کے خلاف آپریشن کی اور کئی مقامات سے غیر قانونی تجاوزات کو ہٹایا۔