باجوڑ (مانند نیوز)گورنمنٹ کالج آف ٹیکنالوجی باجوڑ کے پرنسپل انجینئر محمد رشید کی کوششوں اور وزیر اعلی خیبر پختونخوا کی باقاعدہ منظوری کے بعد باجوڑ میں پہلی بار ایمپلائمنٹ ایکسچینج آفس کا قیام عمل میں لایا گیا۔پر نسپل انجینئر محمد رشید خان اور منیجر ایمپلائمنٹ ایکسچینج آفیسرانجینئر آیاز خان نے فیتہ کاٹ کر باقاعدہ افتتاح کیا۔ اس موقع پر کالج کے دیگر اساتذہ اور منتظمین بھی موجود تھے۔ اس موقع پر پرنسپل نے میڈیا سے گفتگو کرتے ہوئے کہا کہ اب باجوڑ کے بے روزگار نوجوانوں کو ملازمت کیلئے درکار لازمی رجسٹریشن اور سرٹیفیکیٹ کا اجراء تیمرگرہ کے بجائے کالج ہذا میں قائم دفتر سے کیا جائے گا اور اس سے تمام لائن ڈیپارٹمنٹس کے ذمہ داران کی مشکلات دور ہوجائے گی۔ یہ ایک دیرینہ خواب تھا جو موجودہ نگران صوبائی حکومت نے پورا کر دیا۔