شبقدرچارسدہ(مانند نیوز) تحصیل شبقدر تھانہ خواجہ وس کے حدود شہباز کورونہ میں بم کی اطلاع پولیس کی بھاری نفری جائے وقوعہ پر پہنچ گئی۔بم ڈسپوزل سکواڈ نے 3کلو بارودی مواد کو ناکارہ بنادیا بارودی مواد کو اقبال نامی ٹھیکدار کے گھر کے قریب رکھا گیا تھاتفصیلات کے مطابق گزشتہ روز تحصیل شبقدر کے علاقہ شہباز کورونہ خواجہ وس کے رہائشی اقبال نامی ٹھیکدار کے گھر کے قریب نامعلوم افراد نے پریشر ککر میں 3کلو بارودی مواد رکھا ہوا تھا۔خواجہ وس پولیس کو بروقت اطلاع دی گئی۔ تھانہ خواجہ وس کے پولیس ایس ایچ او سیداسرارباچا کی سربراہی میں موقع پر پہنچ گئی اورعوام کو بارودسے دور رکھنے میں اپنا کردار ادا کیا۔ بی ڈی ایس کی ٹیم بروقت موقع پر پہنچ کر بم کو ناکارہ بنا دیا۔ اقبال ٹھیکدار نے تھانہ خواجہ وس پولیس اور بم ڈسپوزل سکواڈ کا شکریہ اداکیا کہ انہوں نے اس کے گھر اورعلاقے کو بڑی تباہی سے بچا دیا اقبال ٹھیکدار کے مطابق عرصہ دراز سے ان کونامعلوم بھتہ خوروں کی طرف سے بھتہ دینے کیلئے کال آرہے ہیں۔