اپر چترال (مانند نیوز )اپر چترال کے علاقہ وریجون موڑکہو میں دو روزہ جشن خزان پولو ٹورنامنٹ اختتام پذیرہوگیا۔فائنل میچ کے مہمان خصوصی ایڈیشنل ڈپٹی کمشنر اپر چترال فدالکریم تھے۔فائنل میچ میں اپر چترال کے مختلف علاقوں سے تعلق رکھنے والے سابقہ اور موجودہ پولو کھلاڑیوں، علاقے کے عمائدین، منتخب نمائندگان اور کثیر تعداد میں پولو سے محبت رکھنے والے افراد نے شرکت کی۔فائنل میچ زبردست انداز میں اپنے اختتام کو پہنچا۔ فائنل میچ شاہی پولو کلب دراسن اور ہیڈکوارٹر وریجون کے پولو ٹیموں کے درمیان کھیلا گیا۔انتہائی دلچسپ مقابلے کے بعد ہیڈکوارٹر وریجون پولو ٹیم نے ٹائٹل اپنے نام کرلیا۔ایڈیشنل ڈپٹی کمشنر نے اپنے خطاب میں ایک کامیاب اور شاندار ایونٹ کے انعقاد پر پولو ٹورنامنٹ آرگنائزرز کو مبارکباد دی اور ضلعی انتظامیہ کی طرف سے ہر ممکن تعاون کا یقین دلایا۔آخر میں مہمان خصوصی اور دیگر مہمانوں نے جیتنے والے اور رنراپ ٹیموں میں انعامات تقسیم کئے۔