اسلام آباد(مانند نیوز)فیصل مسجد میں امام کعبہ الشیخ الصالح بن عبداللہ بن حمید نے نمازجمعہ کی امامت کی اور خطبہ دیا۔اس موقع پر فرزندانِ اسلام نے بڑی تعداد میں امامِ کعبہ کی امامت میں نمازِ جمعہ ادا کی۔فیصل مسجد میں امام کعبہ الشیخ الصالح بن عبداللہ بن حمید نے اپنے خطبے میں کہا کہ مسلمانوں کی مثال جسم کی مانند ہے جو ایک دوسرے کو مضبوط کرتے ہیں، آخرت کی بہتری کیلئے خود کو بہتر کریں۔انہوں نے کہا کہ آپس میں اخوت،محبت اور مساوات کو فروغ دیں، مسلمانو!فلسفہ تقوی پر سختی سے کاربند رہو۔امام کعبہ نے خطبے میں کہا کہ چھوٹے چھوٹے اختلافات پر کسی کو کافر قرار نہ دیں، نیک اور صالح کاموں کے فروغ میں تعاون کریں۔امامِ کعبہ صالح بن عبداللہ بن حمید رواں ہفتے 6 روزہ دورے پر اسلام آباد پہنچ تھے۔