ملاکنڈ (مانند نیوز)ریجنل پولیس آفیسر ملاکنڈ ڈویژن محمد علی خان کا ضلع باجوڑ کا ہنگامی دورہ۔ باجوڑ آمد کے فوراً بعد ڈی آئی جی ملاکنڈ نے ڈپٹی کمشنر باجوڑ محمد انوار الحق اور ڈسٹرکٹ پولیس آفیسر باجوڑ کے ہمراہ ڈی ایچ کیو ہسپتال خار کا دورہ کیا اور ہسپتال میں زیر علاج زخمیوں کی عیادت کی اور ان کی خیریت دریافت کی اور زخمیوں کی طبی سہولیات کا جائزہ لیا۔انہوں نے بم دھماکہ میں شہید ہونے والے پولیس جوانوں کے لئے دعا مغفرت کی اور زخمیوں کے لئے جلد صحت یابی کیلئے دعا بھی کی۔انہوں نے ہسپتال انتظامیہ کو بم دھماکہ کے زخمیوں کو ہر ممکن علاج معالجہ کی سہولیات فراہم کرنے کی ہدایت کی۔