ہنگو(مانند نیوز)ضلعی پولیس سربراہ نثار احمد خان(PSP) نے سیکیورٹی انتظامات کا جائزہ لینے کیلئے ڈسٹرکٹ جیل ہنگو کا اچانک دورہ کیا۔دورے کے موقع پر ڈی ایس پی سٹی فلک نواز خان بنگش،ار ائی پولیس لائن مجاہد حسین خان، ایس ایچ او تھانہ سٹی فیاض خان انکے ہمراہ تھے۔ڈسٹرکٹ پولیس آفیسر نثار احمد خان (PSP) نے جیل کی اندرونی و بیرونی سیکیورٹی کا تفصیلی معائنہ کیا اور جیل انتظامیہ کی طرف سے موجودہ صورتحال کے تناظر میں قیدیوں کے تحفظ کیلئے اٹھائے گئے حفاظتی اقدامات کا جائزہ لیا۔اس موقع پر ڈی پی او ہنگو نے ڈسٹرکٹ جیل کی سیکیورٹی انتظامات کو تسلی بخش قرار دیتے ہوئے متعلقہ جیل حکام اور پولیس افسران کو ڈسٹرکٹ جیل کی سیکیورٹی پر خصوصی توجہ مرکوز رکھنے اور اس سلسلے میں اٹھائے جانیوالے حفاظتی اقدامات کو فول پروف بنانے کیلئے مزید اہم ہدایات جاری کئے۔