پشاور(مانند نیوز) ینگ فارماسسٹس کمیونٹی پاکستان کے زیر انتظام پہلی انٹر یونیورسٹیز فارمیسی سپورٹس لیگ کی افتتاحی تقریب پشاور یونیورسٹی میں منعقد ہوئی جس کے مہمان خصوصی ڈرگ انسپکٹر یحیی خان اور منظور احمد تھے جبکہ مختلف شعبہ ہائے زندگی میں کام کرنے والے فارماسسٹوں نے شرکت کی مختلف یونیورسٹیوں کے ٹیم ممبران نے افتتاحی تقریب میں شرکت کی۔ فارمیسی سپورٹس لیگ 11 جنوری تک جاری رہے گی۔اس موقع پر کھلاڑیوں نے آرگنائزر کی کاوشوں کو سراہتے ہوئے کہا کہ نصابی سرگرمیوں کے ساتھ ساتھ غیر نصابی سرگرمیاں بھی پروفیشنل مقاصد کے حصول کیلئے اک اہم سنگ میل ہیں مذکورہ سپر لیگ میں صوبہ خیبر پختونخوا کے مختلف جامعات کے شعبہ فارمیسی سے طلباء کرکٹ، بیڈ منٹن اور دیگر مقابلوں میں حصہ لے رہے ہیں۔