ملاکنڈ (مانند نیوز)نگراں صوبائی حکومت کے خوشحال خیبر پختونخوا پروگرام کے تحت اورڈپٹی کمشنر/ کمانڈنٹ ملاکنڈ لیویزشاہد خان مہمند کی ہدایت پر اسسٹنٹ کمشنر درگئی محمد علی نے درگئی بازار میں مختلف کلینکل لیبارٹریوں کی چیکنگ کی۔ چیکنگ کے دوران صفائی ستھرائی اور قیمتوں کے بارے میں ضروری ہدایات جاری کی گئیں۔ خلاف ورزی کرنے والوں پر جرمانے عائد کئے گئے۔اس کے علاوہ درگئی بازار میں غیر قانونی تجاوزات کے خلاف آپریشن کیا گیا اور کئی مقامات سے غیر قانونی تجاوزات کو ہٹایا گیا۔ انہوں نے کہا کہ تجاوزات کیخلاف کاروائیاں جاری رہیگی اور ضلع ملاکنڈ کے عوام کو ریلیف فراہم کرنا ضلعی انتظامیہ کی اولین ترجیح ہے۔