اسلام آباد(مانند نیوز ڈیسک) ملک بھر میں موبائل سروس عارضی طور پر معطل کردی گئی۔ اسلام آباد، راولپنڈی کے بیشتر علاقوں میں موبائل سگنلز بند اور انٹرنیٹ کی سروس بھی متاثر رہی۔ ترجمان وزارت داخلہ کا کہنا ہے کہ ملک بھر میں موبائل سروس کو عارضی طور پر معطل کرنے کا فیصلہ کیا گیا ہے۔وزارت داخلہ کی جانب سے جاری بیان میں کہا گیا ہے کہ ملک میں دہشت گردی کے حالیہ واقعات کے نتیجے میں قیمتی جانوں کا ضیاع ہوا ہے جبکہ امن وامان کی صورتحال کو قائم رکھنے اور ممکنہ خطرات سے نمٹنے کے لیے حفاظتی اقدامات ناگزیر ہیں۔