اسلام آباد(مانند نیوز ڈیسک)یوٹیلیٹی اسٹورز کارپوریشن نے رمضان سے قبل عوام کے لیے ریلیف کا اعلان کر دیا۔ یوٹیلیٹی اسٹورز کارپوریشن نے مختلف اشیا کی قیمتوں میں کمی کر دی۔ مختلف برانڈز کے گھی، کوکنگ آئل، چائے، صابن، واشنگ پاڈر اور دیگر اشیا کی قیمتوں میں کمی کر دی گئی۔ دستاویز کے مطابق گھی اور کوکنگ آئل کی قیمتوں میں 4 روپے سے 100 روپے فی کلو جبکہ برانڈڈ چائے کی قیمتوں میں بھی100 روپے تک کی کمی کر دی گئی۔ یوٹیلیٹی اسٹورز کارپوریشن اگلے مہینے سے رمضان ریلیف پیکج کا بھی آغاز کر رہا ہے۔ حکام کا کہنا ہے کہ رمضان ریلیف پیکج سے بی آئی ایس پی صارفین مستفید ہو سکیں گے۔