پشاور(مانند نیوز) اسلامی جمعیت طلبہ یونیورسٹی کیمپس پشاور کی سیشن 2024-25 کیلئے تنظیم نو مکمل ہو گئی۔ جامعہ پشاور کے ایم فل اسکالر برادر تقویم الحق ناظمِ یونیورسٹی کیمپس پشاور منتخب ہو گئے۔ سالانہ انتخابی اجتماع ارکان جامعہ پشاور کے ہاسٹل ڈی بلاک مسجد میں منعقد ہوا جس میں ارکان نے ووٹ دے کر برادر تقویم الحق کو ناظمِ کیمپس منتخب کیا۔ اس کے ساتھ جامعہ پشاور کے ناظم برادر آفتاب عالم، جامعہ اسلامیہ کالج کے ناظم عادل احمد، خیبر میڈیکل کالج کے ناظم سید سلمان، جامعہ زرعیہ کے ناظم سید ضحاک اور انجینئرنگ یونیورسٹی پشاور کے ناظم صہیب ہلال مقرر ہوئے۔