بریکوٹ(مانند نیوز) ایس ڈی پی او سرکل بریکوٹ شیر حسن نے کہاہے کہ پولیس کی اولین ترجیحات میں علاقے میں پرامن ماحول اور پائیدار امن قائم کرنا ہے اور انشاء اللہ علاقے میں منشیات فروشی،غیر قانونی دھندوں کے علاوہ دیگر سماج عناصر کے خلاف قانون کے مطابق سخت کارؤائی کی جائے گی۔صحافت ایک مقدس پیشہ ہے اور مجھے امید ہے کہ بریکوٹ پریس کلب کے صحافی ذاتی مفادات کے برعکس اجتماعی مفادات پر ترجیح دیں گے اور بریکوٹ پریس کلب کے صحافیوں نے ماضی میں جو کردار ادا کیا ہے قابل فخر ہے۔جمعرات کے روز ایس ڈی پی او سرکل بریکوٹ کے دفتر میں ایس ڈی پی او شیرحسن کے ساتھ بریکوٹ پریس کلب کے صحافیوں سے خصوصی ملاقات میں کیا۔اس موقع پر پریس کلب کے صدر خلیل الرحمان باچا،جنرل سیکرٹری مظفرشاہ،چیرمین ڈاکٹر ذاکر محمد،فنانس سیکرٹری بخت روان خان کے علاوہ پریس سیکرٹری ریاض احمد نے شرکت کی۔ایس ڈی پی او شیر حسن نے کہاکہ پولیس اور صحافیوں کا اپس تعلق چھولی دامن جیسا ہے۔پولیس اور صحافی دونوں علاقے میں مسائل اور جرائم کے خاتمے میں اہم کردار ادا کرتے ہیں کیونکہ علاقے میں امن قائم رکھنا پولیس کی اولین ذمہ داروں میں شامل ہوتاہے۔بعد میں پریس کلب صدر خلیل الرحمان باچا نے کہاکہ بریکوٹ پریس کلب کے صحافی پولیس کے ساتھ علاقے کی ترقی اور خوشحالی میں اپنا بھرپور کردار ادا کریں گے اور ہمیں امید ہے کہ پولیس اپنے فرائض بحسن طریق ادا کریں گے۔