میرے بیٹے عثمان آفریدی اور چچازاد انعام اللہ کو رہا کیا جائے، سعید خان

جمرود(نمائندہ مانند )جمرود شاکس کے رہائشی ریٹائرڈ ماسٹر سعید خان، معلوم خان اور اشرف الدین نے جمرود پریس کلب میں پریس کانفرنس کرتے ہوئے کہا کہ سعید خان کے بیٹے محمدعثمان کو 31 اگست 2023 کو جمرود شاکس سے اپنے دکان سے اٹھا لیا اور کچھ عرصہ غائب رہا۔ اپنے بیٹے محمد عثمان کو معلوم کرنے کیلئے عدالت میں درخواست دائر کردی جس پر وہ پانچ مہینے بعد سنٹرل جیل کے حوالے کردیا گیا اور اس کا عدالت میں باقاعدہ طور پر ٹرائل شروع ہوا۔ ٹرائلز میں عدالت کو ضمانت منظور کرتے ہوئے محمد عثمان کو رہائی دلائی جبکہ عدالت سے باہر نکلتے ہوئے سرکاری وردی میں ملبوس افراد نے دوبارہ ان کے بیٹے محمد عثمان کو گرفتار کرلیا جو کہ ان کے ساتھ ظلم ہے۔ عثمان پر اگر کوئی جرم ثابت ہوتا تو عدالت ضمانت پر رہائی نہیں دلاتے تو لہذا ہم حکومت پاکستان کے وفادار شہری ہیں ہم اعلی حکام سے انصاف دلانے کا مطالبہ کرتے ہیں۔ ان کے بیٹے محمد عثمان کو رہا کیا جائے اس کے علاوہ ان کا چچازاد انعام ولد معلوم خان کو بھی اس سے پہلے غائب کردیا گیا ہے اس کا بھی ابھی تک کوئی اتہ پتہ نہیں لہذا ان دونوں کو رہا کیا جائے۔