چترال (مانند نیوز )صوبائی حکومت کے احکامات کی روشنی میں ڈپٹی کمشنر لوئر چترال محمد عمران خان نے رمضان المبارک میں عوام کو مکمل ریلیف دینے اور قیمتوں کو کنٹرول کرنے کے حوالے سے عوامی شکایات پر کاروائی عمل میں لاتے ہوئے چترال بازار میں واقع سبزی کے دکانوں اور پولٹری شاپس کا معائنہ کیا۔ ڈپٹی کمشنر نے صفائی, سرکاری نرخنامے اور قیمتوں کا جائزہ لیا اور گرانفروشی,سرکاری نرخنامے کی عدم موجودگی, ناقص صفائی میں ملوث دکانداروں کے خلاف قانونی کاروائی کی جبکہ مہنگا گوشت فروخت کرنے والے دکانداروں کو گرفتار کرواکر دکانوں کو سیل کر دیاگیا۔