کرک (مانند نیوز)ڈپٹی کمشنر کرک مجیب الرحمن نے ورکنگ فوکس سکول جیل چوک کے قریب مفادِ عامہ کے پیشِ نظرورکنگ فوکس سکول کرک کے باہر نکاسی آب کا دیرینہ مسئلہ حل کروا دیا۔ ضلعی انتظامیہ کرک کی ہدایت پر میٹراکان کمپنی کے حکام کے تعاون سے مذکورہ نکاسی آب کیلئے پائپ لائن پر کام کا آغاز کردیا گیا جس کی نگرانی ایڈیشنل اسسٹنٹ کمشنر ون کرک شمیم اللہ کررہے ہیں۔یاد رہے کہ مذکورہ روڈ پر سکول کے ساتھ ساتھ ہسپتال سمیت کئی سرکاری دفاتر بھی واقع ہیں۔ٹریفک رش کی وجہ سے عوام کو زیادہ مشکلات کا سامنا کرنا پڑتا تھا۔ اہلیان علاقہ نے ضلعی انتظامیہ کے اس اقدام کو سراہتے ہوئے ڈپٹی کمشنر کرک اور دوسرے ضلعی انتظامی افسران کا شکریہ ادا کیا ہے۔