لوئر دیر (مانند نیوز )ڈپٹی کمشنر دیر لوئر واصل خان کے ہدایت پر اے سی ریوینو طارق خان نے حدود تھانہ تالاش کا تفصیلی وزٹ کیا۔ اس موقع پر اے سی ریونیو طارق خان نے شمشی خان اور تالاش بازار میں قصائیوں نانبائیوں مرغ فروشوں اور سبزی فروشوں کی دوکانوں کو چیک کیا۔ کم وزن اور سرکاری نرخنامہ کی عدم دستیابی اور سرکاری ریٹ سے زیادہ ریٹ پرگوشت فروخت کرنے پر متعلقہ دوکانداروں سے قومی شناختی کارڈ ضبط کی اور دوکانداروں کو سختی سے تنبیہ کی کہ سرکاری نرخنامہ نمایاں جگہ پر آویزاں رکھیں اور اس پر عمل درآمد کو یقینی بنائے بصورت دیگر ان کے خلاف سخت قانونی کاروائی عمل میں لائی جائیگی۔