باجوڑ (مانند نیوز)عید قربان کے موقع پر باجوڑکے باسیوں کو کانگووائرس سے پاک جانوروں کی فر اہمی محکمہ لائیوسٹاک باجوڑ کی اولین ترجیحات میں شامل ہیں۔محکمہ لائیوسٹاک باجوڑنے اس مقصد کے لئے داخلی اور خارجی راستوں پر چیک پوسٹیں قائم کی ہیں جبکہ مویشی منڈیوں کیلئے موبائل ٹیمیں تشکیل دی گئی ہیں جوکہ روزانہ کی بنیاد پر منڈیوں میں داخل ہونیوالے جانوروں پر کانگو سے بچاؤکا سپرے کررہے ہیں۔اسی طرح محکمہ لائیوسٹاک باجوڑ کے اہلکار مویشی پال حضرات کے گھر گھر سپرے کررہے ہیں تاکہ کوئی بھی جانور سپرے سے رہ نہ جائے جوکہ عید قربان تک جاری رہے گا۔اس کے ساتھ باجوڑ کے باسیوں کو لمپی سکن اور کانگو بیماریوں سے بچاؤکیلئے احتیاطی تدابیر پر عمل کرنے کیلئے اگاہی مہم چلا رہے ہیں۔مچھر،مکھیاں چھیچڑ وغیرہ لمپی سکن اور کانگو بیماریوں کے پھیلنے کاذریعہ ہیں۔
