لوئر چترال (مانند نیوز)ضلع لوئر چترال میں ہفتہ انسداد بدعنوانی کا آغاز کردیا گیا۔ وزیر اعلیٰ خیبرپختونخوا کے پروگرام ”عوامی ایجنڈا” کے تحت ضلعی انتظامیہ لوئر چترال کی زیرنگرانی ہفتہ برائے انسداد بدعنوانی کے حوالے سے چترال میں آگاہی واک کا اہتمام کیا گیا۔ اسسٹنٹ کمشنر ہیڈکوارٹرز محمد افتاب منیر کی سربراہی میں اگاہی واک کا اہتمام کیا گیا۔ جس میں انتظامی سٹاف، لائن ڈیپارٹمنٹ کے نمائندوں اورسول سوسائٹی کیافراد نے شرکت کی۔ آگاہی واک میں انسداد بدعنوانی کے متعلق بینرز پر پیغامات درج تھے۔ ضلعی انتظامیہ لوئر چترال کی زیرنگرانی آگاہی و شعور اجاگر کرنے کیلئے تعلیمی اداروں، مدارس، کالجوں اور دیگرمتعلقہ تمام سرکاری محکموں میں سیمینارز، لیکچرز، آگاہی واک کا اہتمام کیا جارہا ہے۔ حکومت خیبر پختونخواہ کی جانب سے جاری شدہ اعلامیے کی روشنی میں عوام میں آگاہی و شعور کے حوالے سے 02 دسمبر تا 09 دسمبر 2024 کو ہفتہ برائے انسداد بدعنوانی /رشوت ستانی منایا جارہا ہے۔