اسلام آباد (مانند نیوز) وزیرِ اعلیٰ خیبر پختون خوا علی امین گنڈا پور نے کہا ہے کہ صوبائی حکومت شروع دن سے ہی کرپشن کے خلاف زیرو ٹالرینس پالیسی پر عمل پیرا ہے۔
عالمی یومِ انسدادِ بدعنوانی کے موقع پر اپنے پیغام میں ان کا کہنا ہے کہ عوامی خدمات کے شعبوں میں شفافیت، احتساب اور جوابدہی کے ماحول کو فروغ دیا جا رہا ہے۔
وزیراعلیٰ خیبر پختونخوا علی امین گنڈاپور 24 گھنٹے کے دوران کہاں رہے؟
وزیرِ اعلیٰ خیبر پختون خوا علی امین گنڈاپور نے کہا کہ صوبائی حکومت نے معلومات اور خدمات تک رسائی کے قوانین نافذ کر رکھے ہیں، یہ قوانین سرکاری محکموں میں بدعنوانی کو لگام ڈالنے میں کافی معاون ثابت ہوئے ہیں۔
انہوں نے کہا کہ موجودہ صوبائی حکومت نے ایک نئے اقدام کے طور پر ’اختیار عوام کا‘ پورٹل کا اجراء کر دیا ہے، اس پورٹل کے ذریعے اب تک ہزاروں شکایات کا اندراج کیا جا چکا ہے جن میں سے بیشتر حل بھی کی گئی ہیں۔