ہنگو (مانند نیوز)چیئرمین ڈسٹرکٹ ڈیویلپمنٹ ایڈوائزری کمیٹی ہنگو شاہ ابو تراب خان بنگش ایم پی اے نے ایڈیشنل ڈپٹی کمشنر (جنرل) ہنگو سجاد حسین آفریدی کے ہمراہ پریم نگر میں گیس لیکج کے باعث جلنے والے مکان کا دورہ کیا۔ جہاں انہوں نے مالک مکان کو صوبائی حکومت اور ضلعی انتظامیہ ہنگو کی جانب سے ریلیف اور دیگر ضروری اشیاء فراہم کیں۔چیئرمین ڈیڈاک ہنگونے متاثرہ خاندان کے ساتھ دلی ہمدردی کا اظہار کرتے ہوئے گیس لیکیج سے ہونے والے نقصانات کے ازالہ کی یقین دہانی کرائی۔انہوں نے کہا کہ اس مشکل وقت میں ہم سب آپ کے ساتھ ہیں۔مالک مکان نے بروقت مدد کرنے پر حکومت خیبرپختونخوا اورضلعی انتظامیہ ہنگو کا شکریہ ادا کیا اور شاہ ابو تراب اور سجاد آفریدی کی کاؤشوں کو سراہا۔