دیر(مانند نیوز) وزیر اعلیٰ خیبر پختونخوا کے عوامی ایجنڈا کے تحت ڈپٹی کمشنر دیر بالا نوید اکبر کی ہدایات پر اسسٹنٹ کمشنر شرینگل محمد بلال نصیر نے ایڈیشنل اسسٹنٹ کمشنر شرینگل عامر شہزاد خٹک کے ہمراہ چم اور دورو بازار کا معائنہ کیا۔ بازار انسپکشن کے دوران مختلف دکانوں میں اشیاء خوردونوش کی قیمتیں، سرکاری نرخنامہ اور صفائی ستھرائی کا جائزہ لیا۔ ناقص صفائی اور گرانفروشی پر متعدد دکانداروں کو موقع پر جرمانہ کیا۔ اس کے علاؤہ مختلف پیٹرول پمپس کا بھی معائنہ کیا۔ معائنہ کے دوران پیٹرول پمپس کے گیج، صفائی اور آگ بجھانے والے آلات کا معائنہ کیا۔ ساونی میں ایک پیٹرول پمپ کے گیج و ریٹ میں فرق پانے پر پیٹرول پمپ کو موقع پر سیل کردیا گیا۔
