باجوڑ(مانند نیوز) ٹریفک ڈرائیونگ سکول پولیس لائن باجوڑ میں پہلا تربیتی بیچ کا اختتام۔ انچارج ٹریفک ڈی۔ایس۔پی قابل شاہ، ڈی۔ایس۔پی ہیڈکوارٹر سہیل سالار اور دیگر سکول انتظامیہ نے تربیت مکمل کرنے والے حضرات میں تربیتی سرٹیفکیٹس تقسیم کیے۔ اس بیج میں ٹوٹل 9 خواہش مند حضرات نے ڈرائیونگ سیکھنے کی غرض سے حصہ لیا جن کی کلاسز کا باقاعدہ اغاز یکم جنوری 2025 کو کیا گیا جو کہ 14 جنوری 2025 کو اختتام پذیر ہوا۔ ٹریفک ڈرائیونگ سکول کے ماہر انسٹکٹرز نے شرکاء کو ٹریفک قوانین، تھیوری اور ٹریفک نشانات کے بارے میں کلاسس دی اور ساتھ ہی انجن اور گاڑیوں کے مختلف حصوں کے بارے میں بھی تفصیلی معلومات فراہم کی گئی۔ٹریفک ڈرائیونگ سکول میں داخلے کیلئے خواہشمند افراد سے گزارش ہے کہ محفوظ ڈرائیونگ سیکھنے کیلئے ٹریفک ڈرائیونگ سکول واقع پولیس لائن باجوڑ میں داخلے کیلئے تشریف لائیں اور محفوظ ڈرائیونگ کی حصول کو یقینی بنائیں۔