کوہاٹ (مانند نیوز)کمشنر کوہاٹ ڈویژن سید معتصم باللہ شاہ کے احکامات کی روشنی میں ڈپٹی کمشنر کوہاٹ عبدالاکرم کی خصوصی ہدایت پر محکمہ زراعت کوہاٹ نے ضلع میں گھریلو پیمانے پر سبزیوں کو اُگانے کیلئے رہنمائی پروگرام شروع کر رہا ہے۔ اس حوالے سے سکولوں، کالجوں اور یونیورسٹیوں کے طلباء کو خصوصی تربیت دی جائے گی۔ مذکورہ پروگرام میں استعمال شدہ خالی بوتلیں، گھی اور تیل کے ٹین وغیرہ استعمال کئے جا سکتے ہیں جس میں سلاد ٹماٹر، پھول وغیرہ لگا کر کارآمد بنا سکتے ہیں۔ اس پروگرام سے ایک جانب مارکیٹ پر بوجھ کم ہوگا تو دوسری جانب بہت سے عام استعمال کی روزمرہ چیزیں گھر پر مسیر ہوں گی۔ علاوہ ازیں لوگوں کو کیمیکل سے پاک، آرگینک اور صاف صحتمند خوراک دستیاب ہو گا۔