بٹ خیلہ (مانند نیوز)چلڈرن سپیشلسٹ ڈی ایچ کیو ہسپتال بٹ خیلہ ڈاکٹر سراج خالد نے کہا ہے کہ بہتر تعلیم اور بہترین تر بیت کے بغیرانفرادی اور اجتماعی ترقی وخوشحالی کا حصول ناممکن ہے والدین کی انتہائی اہم اور احساس ذمہ داری ہے کہ بچوں کی تعلیم کیلئے معیاری تعلیمی ادارے کا انتخاب کریں کیونکہ ہمارے روشن اور مستحکم مستقبل کا انحصار نئی نسل پر ہے ان خیالات کا اظہار انھوں نے دی ایگلز سکول سسٹم اینڈ کالج خادگزئی ضلع دیر کی سالانہ تقریب تقسیم انعامات میں بحیثیت مہمان خصوصی خطاب کر تے ہو ئے کیا پروفیسرخائستہ با چہ شاہد خان امجد علی خان ایکٹنگ ڈائریکٹر اور پرنسپل غلام محمد نے بھی تقریب سے خطاب کیامقررین نے کہا کہ ایگلز سکول علاقے کیلئے کسی بڑی نعمت سے کم نہیں جوجدید تعلیمی سہولتوں کی فراہمی کیلئے مصروف عمل ہے اس موقع پر سکول کے باصلاحیت ہونہار بچوں نے تلاوت قرآن پاک حمد باری تعالیٰ ونعت رسول مقبول کے علاوہ ملی نغمے ترانے خوبصورت ٹیبلو اورتقاریر پیش کر کے حاضرین سے خوب داد وصول کی ڈائریکٹر امجدعلی خان نے تقریب کے شرکا کا شکر یہ داد کیا