پشاور(مانند نیوز)چیف سیکرٹری خیبرپختونخوا شہاب علی شاہ نے دارالعلوم حقانیہ اکوڑہ خٹک کا دورہ کیا اور مولانا حامد الحق شہید کے اہل خانہ سے تعزیت کا اظہار کیا۔ چیف سیکرٹری نے شہید کی خدمات کو خراج عقیدت پیش کرتے ہوئے کہا کہ مولانا حامد الحق ایک جید عالم دین، دینی و ملی خدمات و استحکام کے امین تھے۔ ان کی شہادت ایک ناقابل تلافی نقصان ہے۔ چیف سیکرٹری نے اس موقع پر مولانا حامد الحق اور دیگر شہداء کے درجات کی بلندی اور ایصال ثواب کے لیے دعا کی۔ انہوں نے غمزدہ خاندانوں سے ہمدردی کا اظہار کرتے ہوئے صبر جمیل کی دعا کی۔