وانا (مانند نیوز) جنوبی وزیرستان لوئر کے علاقے اعظم ورسک میں مولانا عبدالعزیز مسجد کے اندر محراب کے قریب ایک زوردار دھماکہ ہوا، زرائع کے مطابق اس دھماکے میں جمعیت علمائے اسلام جنوبی وزیرستان لوئر کے ضلعی امیر مولانا عبداللہ ندیم سمیت دیگر افراد کے زخمی ہونے کی اطلاعات موصول ہوئی ہیں۔ دھماکے کے بعد امدادی کارروائیاں شروع کر دی گئیں، اور زخمیوں کو ڈسٹرکٹ ہیڈکوارٹر ہسپتال وانا منتقل کیا جا رہا ہے۔ دھماکے کی نوعیت اور اس کے محرکات کے حوالے سے مزید تفصیلات کا انتظار ہے۔ پولیس کے مطابق زخمیوں کی حالت خطرے سے باہر ہے، اور مزید تحقیقات جاری ہیں۔