لوئر چترال (مانند نیوز)وزیراعلی خیبرپختونخواہ کے گڈ گورننس عوامی ایجنڈا پروگرام کے تحت اور ڈپٹی کمشنر لوئر چترال محسن اقبال کی ھدایت پر خیبر پختونخواہ فوڈ سیفٹی اینڈ حلال فوڈ اتھارٹی لوئر چترال ٹیم نے ایڈیشنل اسسٹنٹ کمشنر محمد ضیاء کے ہمراہ بکر آباد، چمرکن اور بروز میں اشیائے خوردونوش سے متعلق کاروباروں کی فوڈ سیفٹی کے حوالے سے انسپیکشن کی۔ فوڈ سیفٹی سے متعلق آگاہی دی گئی، ناقص صفائی کی صورتحال پر وارننگ نوٹس جاری کئے گئے جبکہ مختلف دکانوں سے ایکسپائرڈ مشروبات برآمد کرکے ضبط اور ان کو جرمانہ کیا گیا۔