ملاکنڈ (مانند نیوز)ملاکنڈ میں زیادہ کرایہ لینے والے ڈرائیورز کیخلاف کارروائی کی گئی۔ ڈپٹی کمشنر / کمانڈنٹ ملاکنڈ لیویز حامد الرحمٰن کی ہدایت پر ایڈیشنل اسسٹنٹ کمشنر درگئی، وحید اللہ نے حکومتی کرایہ نامے پر عملدرآمد یقینی بنانے کیلئے ٹریفک اہلکاروں کے ہمراہ گاڑیوں کی چیکنگ کی۔ انہوں نے چیکنگ کے دوران سواریوں سے کرائے کے بارے میں معلومات حاصل کی اور زیادہ کرایہ وصول کرنے والے ڈرائیوروں کے خلاف قانونی کارروائی کی گئی۔ اس کے علاوہ اسسٹنٹ ڈائریکٹر ٹرانسپورٹ ملاکنڈ نے ٹریفک اہلکاروں کے ہمراہ موٹروے ٹول پلازہ پر گاڑیوں کی چیکنگ کی۔ اس دوران سواریوں سے کرائے کے بارے میں معلومات حاصل کی گئیں اور زیادہ کرایہ وصول کرنے والے ڈرائیوروں کے خلاف قانونی کارروائی کی گئی۔ افسران نے ڈرائیوروں کو سختی سے بتایا کہ آئندہ خلاف ورزی کی صورت میں جیل جانا ہوگا اسلئے سرکاری کرایہ پر عملدرآمد یقینی بنائے۔