ملاکنڈ (مانند نیوز)ڈسٹرکٹ مجسٹریٹ / ڈپٹی کمشنر ملاکنڈ حامد الرحمن نے ضابط فوجداری کی دفعہ 144 کے تحت علامہ اقبال اوپن یونیورسٹی کے جاری امتحانات کے دوران امتحانی مواد کے پرنٹنگ،فوٹو سٹیٹ کاپی اور پاکٹ گائیڈ پر 13 جون 2025 (75دن)تک مکمل پابندی عائد کی ہے جبکہ امتحانی مراکز سے 200 میٹرز کی حدود کے اندر اسلحے / ہتھیار کی نمائش،غیر متعلقہ افراد کی موجودگی اور نقل و حرکت پر مکمل پابندی عائد کر دی ہے۔اس پابندی کا اطلاق مفاد عامہ،امن وامان کی صورتحال اور شفاف امتحانی عمل کو یقینی بنانے کے پیش نظر کیا گیاہے،خلاف ورزی کرنے والوں کے خلاف تعزیرات پاکستان کی دفعہ 188 کے تحت کاروائی عمل میں لائی جائے گی جبکہ یہ حکم فوری طور پر نافذ العمل ہوگا۔