اپر چترال(مانند نیوز)ڈپٹی کمشنر اپر چترال حسیب الرحمن خان خلیل کے احکامات کی روشنی میں ضلعی انتظامیہ اپر چترال، تحصیل میونسپل انتظامیہ مستوج اور تحصیل میونسپل انتظامیہ موڑکہو/تورکہو کی طرف سے قاقلشٹ اور اس کے مضافات میں بھرپور صفائی مہم عمل میں لائی گئی۔ اسسٹنٹ کمشنر ہیڈکوارٹر اپر چترال احسان آفریدی نے صفائی مہم کی نگرانی کی۔ تحصیل میونسپل آفیسر مستوج مصباح الدین، تحصیل میونسپل آفیسر موڑکہو/ تورکہو شفیق الرحمن نے صفائی مہم میں بہ نفس نفیس شرکت کی۔ صفائی مہم میں محکمہ ٹی،ایم،ایز کے سینیٹری ورکرز، ضلعی انتظامیہ اپر چترال کے لیویز اہلکاروں، محکمہ جوڈیشری اور سول سوسائٹی کے نوجوانوں نے شرکت کی۔ دوران مہم کوڑا کرکٹ اکھٹے کرکے مخصوص dumping point پر ڈھانپ کر دئے گئے۔